“Bank of Baku” valideyn himayəsindən məhrum olmuş yüzlərlə uşağıın əyləncə mərkəzinə səfərini təşkil edib.
Yaranmasının 20 illiyi ərəfəsində “Bank of Baku” ASC valideyn himayəsindən məhrum olmuş yüzlərlə uşağın “Megafun” ailəvi əyləncə mərkəzində asudə vaxtını təşkil edib. Bakıdakı bir neçə internat məktəbin 400-ə yaxın sakini bir neçə saat ərzində əyləncə mərkəzində şən və yaddaqalan vaxt keçiriblər . Mərkəzdəki yüzlərlə attraksion, oyun avtomatları və müxtəlif yaş kateqoriyaları üçün nəzərdə tutulmuş əyləncə növləri uşaqların tam ixtiyarına verildi.
Daha sonra bank tərəfindən uşaqlara müxtəlif hədiyyələr təqdim edildi. Uşaqlar əyləncə mərkəzində böyük sevinc və məmnunluq hissi ilə vaxt keçiriblər.
Uşaqların əyləncə mərkəzinə ziyarətin sponsorluğunu “Bank of Baku” tam olaraq öz üzərinə götürüb.
Bu tədbir 2014-cü il üçün nəzərdə tutulmuş korporativ sosial məsuliyyət tədbirləri silsiləsində birincidir və bank bu cür xeyriyyə aksiyalarını il ərzində də davam etdirəcək.
“Bank of Baku” ASC bu tədbirin təşkil olunmasında Azərbaycan Respublikası Təhsil Nazirliyi, “Megafun” ailəvi əyləncə mərkəzi, Qafqaz Universitetinin könüllü tələbələri və “İrəli” Gənclər Birliyinə göstərdikləri dəstəyə görə dərin minnətdarlığını bildirir.
