Gələcək Nəslimizi Dünyaya Tanıdaq!
Bank of Baku "Gələcək Nəslimizi Dünyaya Tanıdaq" adlı yeni layihəyə start verib. Layihənin əsas məqsədi Azərbaycanımızın gələcəyi olan istedadlı, xüsusi bacarıqlı uşaq və gənclərimizi kəşf etmək və onları dünyaya tanıtmaqdır.
Parlaq Gənclik - Əmin Gələcək deməkdir. Vətənimizin qürur duyulacaq, dünyanın istənilən arenasında bayrağımızı daim yüksəklərə ucaldacaq həm parlaq zəka sahibi, həm də dəmir biləkli yüzlərlə, minlərlə gənci var. Bu gənclər güclü gələcəyimizə daha böyük inam, ümid yaradır. Biz də bu layihə vasitəsilə Vətənimizi əmin əllərdə saxlayan gələcək nəslimizi tanımaq və daha geniş şəkildə tanıtdırmaq niyyətindəyik. Bu məqsədlə min bir gözəlliklər diyarı Azərbaycanımızın dörd bir tərəfindən elm, incəsənət, texnika, idman və digər sahələr üzrə bacarıqlı uşaq və gəncləri axtarırıq.
Layihənin ilk QƏHRƏMANLARI xüsusi riyazi bacarığa malik olan, Menar Azərbaycan məktəbinin Binəqədi filialının yetirmələridir. Video çarxla aşağıdakı linkdən tanış ola bilərsiniz:
https://www.youtube.com/watch?v=j3awSkTF5R8
Sayca ikinci olan növbəti video çarxımız Gələcəyin Şahmatçılarına həsr olunub. Müxtəlif çempionatların qalibi və mükafatçısı olan Atilla və Altay Eynullayev qardaşlarının gözübağlı partiya oynamaq bacarığının əsasında hazırlanan bu video ilə aşağıdakı linkdən tanış ola bilərsiniz:
https://www.youtube.com/watch?v=vDxXQWeLIvA
Layihəmiz çərçivəsində kəşf edəcəyimiz yeni istedadların bacarıqlarını tezliklə video çarx şəklində geniş ictimaiyyətə tanıtdıracağıq.
