Kreditlər üzrə restrukturizasiya və yüngülləşdirici tədbirlər

4 May 2016

Müştərilərin son aylardakı ödəniş nizamı və ödəmə imkanları əsas götürərək Bank tərəfindən müəyyən edilmiş meyarlar əsasında həm ABŞ dolları, həm də manat valyutalarında olan kreditlər üzrə seçim edilmişdir. Seçimə düşmüş kreditlər iki qrupa bölünmüşdür.

Birinci qrup (siyahıda yalnız ABŞ dollarıda olan kreditlər düşmüşdür) kreditlərin üzrə müqavilə müddəti dəyişilmədən restrukturizasiya edilmişdir. Restrukturizasiya edilərkən müştərilərə möhlət dövrü verilmişdir, bu dövr müqavilə vaxtının bitmə tarixi ilə bir bitdikdə, müştərilər həmən günədək Banka olan bütün borcu ödəməli olacaqlar. Əgər möhlət dövrü bitdikdən sonra müqavilə müddəti bitmirsə, müştərinin aylıq ödənişləri mövcud (restrukturizasiya edilən müddətə qüvvədə olan ödəniş cədvəlinə əsasən) aylıq ödənişdə yüngülləşdirmə aparmaqla müəyyən edilmişdir və müqavilənin son gününədək müştəri qalan bütün borcu tam ödəməlidir.

Möhlət müdddəti dövrü ərzində müştərinin ən azı “tövsiyyə olunan məbləğ”-in ödənilməsi məsləhət görülür. Möhlət dövrü ərzində ödənilən vəsaitlər əsas borcun ödənilməsinə silinir.

Siyahıya düşən kreditlərin ikinci qrupu üzrə yüngülləşdirici şərtlər tətbiq edilmişdir. Həmən kreditlər üzrə yüngülləşdirici aylar təyin edilmişdir. Beləliklə, hər yüngülləşdirici ay üçün müştəri aylıq üzvlük haqqının ödənilməsi tövsiyyə olunur. Aylıq üzvlük haqqı kimi ödənilən bütün vəsaitlər əsas borcun ödənilməsinə yönəldilir. Müəyyən edilmiş yüngülləşdirici aylar bitdikdən sonra müqavilə vaxtı da bitərsə, müştəri müqavilənin bitməsinin son gününədək bütün borcu ödəməlidir. Yüngülləşdirici aylar bitdikdə müqavilənin müddəti açıq olduqda isə, müştəri hər ay cədvəl üzrə azaldılmış aylıq ödənişi ödəməlidir və müqavilənin son gününədək bütün borcu tam ödəməlidir.

Qeyd: Nəzərinizə çatdırılır ki, yuxarıda qeyd olunanlar sadəcə bank tərəfindən müştərinin ödəniş imkanlarını nəzərə almaqla tətbiq olunması nəzərdə tutulan yüngülləşdirici aylıq ödəniş imkanından yararlanmaq barədə müştərilərə olan bir təklifdir və bankın mütləq güzəşt tətbiq edəcəyi barədə öhdəlik götürməsini ifadə etmir. Eyni zamanda müştəri bu təklifi qəbul etməyib aylıq ödənişlərini müqavilədə göstərilən məbləğdə davam etdirməkdə sərbəstdir.