“Kartla ödə, Kartla qazan!” lotereyasının qaliblərinə Bank of Baku-dan Bolkart + 50 AZN BAL HƏDİYYƏ!

20 Fevral 2019

Azərbaycan Respublikasının Mərkəzi Bankı tərəfindən nağdsız ödənişlərin stimullaşdırılması məqsədilə keçirilən “Kartla ödə, Kartla qazan!” lotereyasına yaxından maraq göstərən “Bank of Baku” da lotereya qaliblərinin sevincinə səbəb olacaq kampaniyaya start verir.

Belə ki, ölkəyə ilk taksit kartı təcrübəsini gətirərək nağdsız ödənişlərin genişlənməsi yolunda ciddi addımlar atan Bank, “Kartla ödə, Kartla qazan!” lotereyasında qalib olan müştərilərinə əlavə olaraq Bolkart debet + 50 AZN BAL qazandıracaq.

Lotereya şərtlərinə əsasən 01 fevral tarixindən ölkə ərazisində fəaliyyət göstərən istənilən bankın plastik kartı ilə ölkədaxilində POS-terminal vasitəsilə minimum 5 (beş) manat məbləğində ödəniş edən hər bir kəs lotereyada iştirak hüququ əldə edir. Fevral, mart və aprel aylarını əhatə edən lotereya dövründə 1800 nəfər qalib olaraq Mərkəzi Bank tərəfindən təyin olunmuş 50 (əlli) manat uduş məbləği ilə mükafatlandırılacaq.

Bank of Baku-nun keçirdiyi kampaniyaya əsasən qaliblər sırasında Bank of Baku-ya aid plastik kartlarla (maaş və ya təqaüd kartları, kredit və ya debet kartları) ödəniş edərək qalib olan şəxslər isə əlavə olaraq Bank of Baku-dan Bolkart debet + 50 AZN BAL qazanacaq. Əgər qalib olan şəxsin Bolkart debet və ya kredit kartı varsa, 50 AZN BAL həmin şəxsin kart hesabına yerləşdiriləcək. Qeyd edək ki, 1 BAL=1 AZN kimi qiymətləndirilir. Yəni, müştəri kart balasındakı BAL-larla 50 AZN dəyərində pulsuz alış-veriş edə bilər.

Bank of Baku-nun keçirdiyi bu və ya digər kampaniyalar haqqında ətraflı məlumatla Bankın 145 Məlumat Mərkəzinə zəng edərək və ya Bankın rəsmi Facebook səhifəsinə www.facebook.com/bankofbaku, “Kartla ödə, Kartla qazan!” lotereyası haqqında daha ətraflı məlumatla isə Mərkəzi Bankın rəsmi internet səhifəsinə (https://goo.gl/4huhTk) daxil olaraq tanış olmaq olar.