Ödəniş kartlarından istifadə zamanı təhlükəsizlik qaydaları

Heç vaxt kartı və kart məlumatlarını - kart nömrəsi, istifadə müddətinin bitmə tarixi, CVV və ŞEN kodları üçüncü səxslərə hətta yaxın qohumlarınıza da verməyin;
Kartı bankın filialında təhvil alarkən arxa hissəsində olan imza üçün zolaqda imzanızın nümunəsini çəkin;
ŞEN kodu kartla bir yerdə saxlamayın, kartın üstündə və ya mobil telefonunuza yazmayın. ŞEN kodu yadda saxlamağa çalışın və ya əgər Sizin kartınız bu xidməti dəstəkləyirsə, ATM vasitəsilə “PİN change” xidmətindən yararlanıb Sizə uyğun olan kodu seçə bilərsiniz;
Kartınızla olan icazəsiz əməliyyatlardan vaxtında xəbərdar olmaq üçün SMS və İnternet Bankçılıq xidmətlərindən istifadə edin. Bu cür əməliyyatlar baş versə kartınızı dərhal bloklaşdırın və araşdırılması üçün bankınıza müraciət edin;
Kart itirildiyi və ya oğurlandığı halda mütləq bloklaşdırılmalıdır. Siz Məlumat Mərkəzinə zəng edib, kart nömrəsinin son 8 rəqəmini və kod sözünüzü deməklə, kartınızı bloklaşdıra bilərsiniz. Bundan əlavə SMS və İnternet bankçılıq xidmətləri vasitəsilə də kart bloklaşdırıla bilər;
Kartın saxlandığı şəraitlərə qarşı diqqətli olun. Kart mexaniki, temperatur və elektromaqnit təsirlərdən qorunmalı, rütubətdən uzaq saxlanılmalıdır. Ödəniş kartını mobil telefon, məişət və ofis avadanlığı ilə yanaşı saxlamaq olmaz;
Çalışın ictimai yerlərdə quraşdırılmış bankomatlardan istifadə edin. Məsələn, dövlət idarələri, bank filialları, böyük ticarət kompleksləri. Bankomatın klaviaturasının və ya kart qəbuledicisinin üzərində əlavə avadanlıqlar quraşdırılıbsa, həmin bankomatdan istifadə etməyin. Əməliyyat apararkən Bank əməkdaşları da daxil olmaqla, kənar şəxslərin köməyini qəbul etməyin;
POS terminallarda və ATM-da ŞEN kod daxil edilərkən kənar şəxslərin görməməsi təmin edilməlidir. Misal üçün, bir əlinizlə daxil edərkən digər əlinizlə kodun görünməməsini təmin edin;
Kartınızdan yalnız onlayn ödənişlər üçün istifadə etmək fikrindəsinizsə, belə ödənişlər üçün nəzərdə tutulmuş virtual kartı sifariş edin;
Kart məlumatlarını yalnız tanınmış sertifikasiya mərkəzləri tərəfindən imzalanmış SSL sertifikatlarla mühafizə olunmuş internet səhifələrində daxil edin. Onlayn ödənişləri şəxsi komputerinizdən edin;
Özünüzə uyğun olan istifadə limitlərinin qrupunu seçın.