Hər il bankımızda onlarla şəxs müxtəlif funksional sahələr üzrə təcrübə keçmək imkanı əldə edir. Bank of Baku-da təcrübə keçən şəxslər işçilər üçün keçirilən müxtəlif layihələrə cəlb olunmaq imkanı, həmçinin təcrübəçilərin bir qismi təcrübə bitdikdən sonra bankda işlə təmin olunmaq imkanı əldə edirlər. Təcrübə müddəti yarımgünlük və ya tamgünlük olmaqla 1 - 3 ay müddətinə təşkil edilir.

Əgər siz də Azərbaycanın ən dinamik banklarından birində təcrübə keçmək istəyirsinizsə, “Təcrübə” sözünü və maraqlı olduğunuz sahənin adını məktubun mövzu hissəsində qeyd etməklə (məsələn, Təcrübə - Müştəri Xidmətləri) hr@bankofbaku.com ünvanına öz CV və ya rezümenizi göndərə bilərsiniz.

Bank of Baku tələbə və məzunların təkcə təhsildən sonra deyil, təhsil müddətində də qayğısına qalmağı öz sosial missiyasının bir hissəsi hesab edir. Bu məqsədlə bank hər il bir neçə tələbəyə birbaşa təqaüd və ya təhsil haqqı formasında yardım edir. Hal-hazırda biz bu istiqamətdə ADA Universiteti və Azərbaycan Dövlət İqtisad Universiteti ilə sıx əməkdaşlıq edirik.

Bank of Baku olaraq inanırıq ki, uğurlu biznesin təməli dəstəklənən təhsildədir. Bu məqsədlə biz mütəmadi olaraq təhsil layihələrinə dəstək olur və təhsil müəssisələri ilə əməkdaşlıq edirik. Təsadüfi deyil ki, artıq xeyli müddətdir ki, bankımız tərəfindən Azərbaycanın bir neçə nüfuzlu universitetində bankçılıq laboratoriyaları yaradılmışdır. Bundan başqa, biz tələbələr və universitetlər üçün müxtəlif nəşrlərin əldə edilməsini maliyyələşdiririk.